الفيلم ده من الأفلام الي شوفتها واستمتعت بيها وحسيتها قوي الجميل والي يخليك تقتنع بكل مشهد او جملة فيه انك بتحس ان موقف من المواقف دي عشتها قبل كده او حد قريب منك مر بيها والكلام الي تقال فيها هو تقريبا الي سمعته او قلته في وقتها والمشاعر و الحالة الي كانوا عيشينها هي جزء من كل واحد فينا. حالات الحب الي حصلت جسدت تغير وتضارب واختلاف مشاعرنا ومدى صدقها من عدمه قراراتنا ومدى تأثيرها على مسيرة حياتنا وطريقة حبنا . القصة نسيج مننا، الحوار كان راقي مش فج يأذي ودنك تلقائي ومعبر، واداء الممثلين كان رائع وصادق جدا، الموسيقى التصورية والإضاءة خدمت الحالة في الفيلم ، ومنقدرش ننسى اهم عنصر المخرجة المتميزة والمتمكنة الي خلت من كل ده منظومة مكتملة تقدر تمتعك وترضي عقلك واحاسيسك. يعتبر ( عن العشق والهوى ) هو تاني فيلم عجبني من الأفلام الجديدة بعد ( سهر الليالي )

وللي ماشفش الفيلم ممكن يتفرج عليه دلوقتي كل الي عليكوا تضغطوا على اللينكات الي حطاها
الجزء 1

الجزء 2

وطبعا ما اقدرش انسى اغنية الفيلم الحلوة قوي( كلمات ولحن وغناء
اصغط هنا

عزو الجميل ( محمد عز الدين ) الشاعر الجامد المبدع اخيرًا هيكتبلي إهداء على ديوانه الأول وده هيكون

يوم الأحد القادم الموافق 15/4 الساعة 7 مساء

في متحف الفن الحديث – دار الأوبراالدور الثاني

ــــــــــــــــــــــــــــــــــــــــــ

نظرًا لزيارة ماما سوزان (مش انا طبعًا) للأوبرا يوم الأحد تم تأجيل

حفل توقيع ديوان عزو الى يوم الثلاثاء 17/4 الساعة 6 مساًء في نفس المكان

نفترض أنك تقف وأمامك أربعة أو خمسة أو... أشياء أو أشخاص وكلاً منهم له مميزاته المختلفة عن الآخر و التي في النهاية تجعلهم متساوين في مستوى التميز لأن كل واحد منهم له ما ينقص عند مثيله ، وأنت تحاول أن تختار فيما بينهم ، وقد اخترت أحدهم ، ترى أخترته لتميزه على الآخرين أم اختيارك له أكسبه ميزة كانت من الممكن ان تصبح لأقرانه لكنها اتيحت له هو فقط ، لن أقول أنك مقياس ولكن أنت من يقف أمامه هؤلاء منتظرين اختيارك ، فبالتالي أنت من له الرأى في هذا الموقف

أنا و أخي

أضغط هنا

الأبيض والأسود

أحب هذين اللونين مع بعضهم كلاً بمقدار معين، يجذبان عيني، و يشعرانني بالارتياح ، عند رؤية كلا منهما على حدى تبقى لهما نفس الجاذبية ولكن على طريقتهما، الأسود له القوة ، الشموخ ، الهيبة ،القسوة و الالتزام هو رائع مع جميع الألوان أو بمعنى أصح لا تسطتيع الألوان الاستغناء عنه ، كل لون يستخدمه بمقدار معين أحيانًا الأسود يطغى مرة على اللون الذي معه وأخرى يطغى اللون الذي معه عليه لكن يبقى تاثيره الأقوى حين يكون منفردًا في وجوده ،أما الأبيض فله النقاء ، السمو، الرحمة والانطلاق هو لون الجنة ، له التسامح أيضًا فهذا الأخير يجعله أرض خصبة لبقع الألوان الكثيرة نوعًا وعددًا فتفقده تأثيره الملائكي الصادق الذي أبدًا لن يدوم ، ومع ذلك فهو ليس منطويًا على ذاته بل يستطيع مصاحبة جميع الألوان لكن رونقه يظهر حين يكون وحيدًا ،و يبقى السؤال أيهما أفضل الأسود أو الأبيض أم الأثنين معًا؟ أو نجعل السؤال، أيهما نفضل؟ أو نصيغ السؤال بطريقة أكثر وضوحًا ، أيهما يفرض وجوده؟

اه يالالي

"حتى يتبين لكم"

يا نقطة سودة جوة قلبي بتنتشر
غطى السواد لون البيبان
بوش تراب المندرة
ونشع على جير الحيطان
مين اللي قال ان ( الصباح ممنوع يبان ) ؟
الصبح مات من ميت زمان
قبل الزمان
أنا ماوعاهوش
ماوعاش على غير شمس
تحرق جتتي ف عرض الغيطان
ولا عمرها تنور طريق
واوعى كمان
على ضربة الكرباج تشق النهر
من ضهري لحد الأرض
فتنبت حصاد غيري
الليل دخل من سكتين
وانت اللي قاعد تنتظر ما بين بينين
مستني إيه ؟
البيت فضي .... مشيوا الجيران
العرس داير من سنين ....... والناس هناك
والكوشة فيها اتنين غلط
لا بهية هي بهية بعد اللي حصل
ولا كان ياسين صاحب الفرح
سرق الفرح
صاحب الدهب والشمس
والكرباج وأرزاق العباد
قلبي المفتفت م العطش برة الحساب ؟!!!!!
غيطي اللي شقق م الحنين برة الحساب ؟!!!!
أمي اللي داسها القهر ليه برة الحساب ؟
والغربة ليه ؟
والغربة تتكرر بهدم
والفقر يتمرر بيتم
يا شاربين شربات فرح معجون بدم
يا بادئين إمتى المتم
أنا قلبي كان بذرة نهار
لكنه متقدر وتم
والنقطة سودة ف قلبي جوه بتنتشر
غطى السواد لون البيبان
بوش تراب المندرة
ونشع على جير الحيطان
شب وطلع فوق السطوح
بيمد إيده ويلتقي إيد السواد
اللي على سطوح
الجيران

ابراهيم سعيد

الشراهة

الطمع

الكسل

الحسد

الغضب

التكبر

الرغبة

الإنسان رغم كل شئ